დეტალების 3d სკანირება თბილისში

რა შეიძლება გაკეთდეს სკანით

• გატეხილი ან გაცვეთილი დეტალის ასლი, რომელიც აღარ იყიდება.
• სუფთა CAD მოდელი STEP-ში დაზგაზე დასამზადებლად ან ჩამოსასხმელად.
• დეტალი, რომელიც ზუსტად ჯდება ადგილზე: სამაგრი, კორპუსი, გადამყვანი არსებული კვანძის ფორმით.
• გადახრების რუკა: რამდენად განსხვავდება მზა დეტალი მოდელისგან.
• ქანდაკების, სათამაშოს ან საგნის ციფრული ასლი სხვა ზომით დასაბეჭდად.

აღჭურვილობა და პროგრამები

• 3D სკანერი Creality Raptor: სიზუსტე 0.02 მმ-მდე.
• Geomagic Design X: CAD მოდელის აღდგენა სკანით და გადახრების კონტროლი.
• Fusion 360: პარამეტრული მოდელები, აწყობები, ნახაზები.
• ბეჭდვა Bambu Lab P2S-ზე იმავე სტუდიაში: პირველი ნიმუში მორგებას ამოწმებს.

მაგალითები

დავასკანერეთ Land Rover Defender-ის ჩარჩო და მის მიხედვით დავაპროექტეთ კარტერის დამცავი, რომელიც ლითონისგან დამზადდა. სკანით აღვადგინეთ Varytec-ის სანათის კორპუსის რგოლი და Profoto-ს ფოტოაფეთქების კორპუსი. ყველა მაგალითი ფოტოებით მოდელირების გვერდზეა.

რა უნდა გაითვალისწინოთ

• პრიალა, გამჭვირვალე და ძალიან მუქ ზედაპირებს სკანირებამდე მქრქალ სპრეის ვაყრით, ის ირეცხება.
• დეტალი თბილისის სტუდიაში უნდა მოიტანოთ ან კურიერით გამოგზავნოთ.
• თუ მარტივი დეტალის დაბეჭდილი ასლი გჭირდებათ, ზოგჯერ შტანგენფარგლით გაზომვა სკანირებაზე სწრაფია. გეტყვით.

რა ღირს

ფასი ინდივიდუალურად ითვლება დეტალის ზომის, სირთულისა და იმის მიხედვით, რა გჭირდებათ შედეგად: მხოლოდ სკანი, CAD მოდელი თუ მზა დაბეჭდილი დეტალი. ორიენტირისთვის: დრამის პედლის პატარა დეტალის სკანირება, CAD და ლოგოს დატანა 75 ₾ ღირდა და საათ-ნახევარი დასჭირდა. შეფასება უფასოა.

კითხვები 3d სკანირებაზე

3D ბეჭდვა მიტანით მთელ საქართველოში

ვბეჭდავთ თბილისში, ხოლო მიგვაქვს ნებისმიერ ადგილას: ბათუმი, ქუთაისი, რუსთავი, გორი, ფოთი, ზუგდიდი, თელავი — 2–3 დღეში, 10 ₾-დან. თბილისში კურიერი მოგიტანთ 1 დღეში, თვითგატანა უფასოა. მანძილი არ მოქმედებს ბეჭდვის ფასზე — კალკულატორი ითვლის ერთნაირად მთელი ქვეყნისთვის.